ღვარძელაშვილების მარანში გასულ წელს ქარვისფერი ღვინოც დააყენეს, ქვევრში, ტრადიციული წესით. კონდოლში მოყვანილი რქაწითლიდან (60%) და მწვანე კახურიდან (40%) დაწურული ღვინოა, ინტენსიური ქარვისფერი. ცეცხლისფერიც ეთქმის. ძლიერი პირველი არომატები აქვს, სადაც მწიფე უნაბის და ჭერმის ჩირის ტონებს ამოიცნობთ. გემოზე ეს არომატები კიდევ უფრო ზუსტდება და სხვა მოტკბო ტონებით ივსება. მაღალმჟავიანი, ძლიერი ტანინების მქონე სავსე ღვინოა, კარგი დაბოლოებით.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი