სიღნაღის რაიონის სოფელ ვაქირში დაკრეფილი ბუდეშურისებრი საფერავიდანაა ღვინო დაყენებული, ქვევრში. გამჭვირვალე, მკრთალი შინდისფერია, ძალზე დამაინტრიგებელი და მდიდრული არომატებით, სადაც ცხადად ჩანს კენკრის (ხენდრო, ჟოლო) და წითელი ხილის ტონები. ასეთი თხელი, ელეგანტური საფერავები ძალზე იშვიათია ჩვენში, არადა ქართული ბაზარი ნამდვილად განიცდის ამ სტილის ღვინოების დეფიციტს. გემოზე ნაზია, საკმაოდ მაღალმჟავიანი და ზომიერი ტანინებით, ხანგრძლივი დაბოლოებით.
© ღვინის კლუბი/vinoge.com