სამი განსაკუთრებული გურული ჯიშიდანაა ღვინო დაყენებული, რომლებიც ერთად ჩაიწურა და ჭაჭაზე 20 დღე დუღდა. სხილათუბანი და ჯანის წილი სულ 3%–ია, თუმცა სურნელშიც და გემოზეც კარგად ჩანს მათი კვალი. მკრთალი ძოწისფერი ღვინოა, ძახველისფერიც ეთქმის. სურნელში მცენარეული, საკმევლისა და სხვ. ეკზოტიკური ტონები ჩანს, რომელიც კოწახურისა და წითელი კენკრის არომატებს ერწყმის. მაღალმჟავიანი ღვინოა, მსუსხავი ტანინებითა და ხალასი გემოებით.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი