ყვარლის რაიონში, ქინძმარაულის ზონაში დაკრეფილი საფერავიდანაა ღვინო დაყენებული, ქვევრში, საკმაოდ დიდხანს, 2 თვე ჭაჭაზე დაყოვნებით. ძალზე ინტენსიური შეფერვისაა, მუქი ჟოლოსფერი, ახალი, ცინცხალი არომატებით, სადაც დაჭყლეტილი ალუბლის ტონებს, იების ნაზი სურნელი ერთვის. დაგემოვნებისას კიდევ უფრო კარგად იგრძნობა ეს მდიდარი გამა. სასიამოვნო, ხალისიანი მჟავიანობა და ტანინები კი დასამახსოვრებელი, ხანგრძლივი დაბოლოებით აგვირგვინებს ამ ახალგაზრდა ღვინის პირველ შთაბეჭდილებას.
© ღვინის კლუბი/vinoge.com