კიდევ ერთი ახალი მცირე მარნის ღვინოა, ქვევრში დაყენებული. ყურძენი თელავის რაიონის სოფელ გულგულაშია დაკრეფილი. ოქროსფერია და ბევრ სხვა კახურად დაყენებულ ღვინოსთან შედარებით, ნაზია და ელეგანტური. ხასიათდება მცენარეული (თივა, ხმელი ყვავილები) და მწიფე ხილის არომატებით (თეთრი ქლიავი, გადამწიფებული თეთრი ბალი). გემოზე მაღალმჟავიანია, რბილი ტანინებით.
© ღვინის კლუბი/vinoge.com