ეს უცნაური ღვინო ორი კუთხის ორი განსხვავებული ჯიშიდან მიიღეს. ლეჩხუმური უსახელოურიდან (60%) და კახური საფერავიდან (40%) დაყენებული ეს ღვინო რამდენიმე თვით ფრანგული მუხის კასრებში დაყოვნდა. შინდისფერია, შედარებით გამჭვირვალე. მუხის კვალი სურნელშივე ჩანს, თუმცა კენკრაც კარგად იგრძნობა. გემოზე ტანინები და მცირედი ყავის ტონები დომინირებს. მაღალმჟავიანია, ძლიერი ალკოჰოლით (14%). რამდენიმე წელიწადში ვნახოთ რა გამოვა ამ ექსპერიმენტიდან.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი