საქართველოში სულ ორი კომპანია აწარმოებს ადგილწარმოშობის დასახელების ღვინო სვირს. ხარება და იმერული ღვინის კომპანია. ეს ღვინო, სვირში, ულამაზეს ფერდობზე გაშენებულ ვენახში მოყვანილი ციცქადან, ცოლიკოურიდან და კრახუნადანაა დაყენებული. ოქროსფერი ღვინოა, ძლიერი პირველი არომატებით, სადაც მწიფე ხილთან ერთად (ყვითელი ტყემალი, თეთრი ქლიავი, მსხლის ჩირი), მცენარეული და სუნელების ტონებიც ჩანს (გამხმარი ყვავილები, ხმელი ქინძი). მაღალმჟავიანი, გემრიელი, კარგი გასტრონომიული ღვინოა.
© ღვინის კლუბი/vinoge.com