კაჭრეთში მოყვანილი რქაწითლიდან (85%) და მწვანე კახურიდან (15%) დაყენებული ღვინოა, 6 თვე ჭაჭაზე დავარგებით. ძალზე ინტენსიური ქარვისფერია, ცეცხლისფერი ანარეკლებით. პირველივე სურნელში ცხადად მოჩანს ხმელი ფოთლების, ბერგამოტის ჩაისა და ჩირების (ვაშლის, გარგრის, ასევე ქიშმიში) ტონები. გემოზე მძლავრი ტანინებით ხასიათდება, მაღალმჟავიანია, ძლიერი ალკოჰოლით (13,9%). კლასიკური კახური ქარვისფერი ღვინოა, საუკეთესოდ მოიხდენს კახურ ხორციან კერძებს.
© ღვინის კლუბი/vinoge.com