ეს ღვინოც ყვარელში, ზანგაურას ზვარშია მოწეული, რომლისგანაც 2014 წელს გაცილებით რბილი ღვინო დადგა, ვიდრე 2013–ისა. საკმაოდ ინტენსიური შეფერვის ჟოლოსფერ–შინდისფერი ღვინოა. ძალზე მწიფე პირველი არომატები აქვს, სადაც მწიფე ალუბალი, კენკრის მურაბები და მცირედი ტკბილი სანელებლებიც იგრძნობა. ტანინებით მდიდარი, ძალზე სასიამოვნო მჟავიანობის მქონე საფერავია, ალაზნის მარცხენა ნაპირის არქეტიპული ნიმუში.
© ღვინის კლუბი/vinoge.com