წინანდალში, თელიანის მიკროზონაში დაკრეფილი საფერავიდანაა ღვინო დაწურული, ქვევრში. 20% ჭაჭასთან წვენმა 2 კვირა გაატარა, რის შედეგადაც თხელი, ძალზე ელეგანტური და სასიამოვნო ლალისფერი ღვინო დადგა. შარშანდელ ღვინოსთან შედარებით ეს ღვინო მაღალალკოჰოლიანი (13%) დადგა. ახალგაზრდა, ხალასი ღვინოა წითელი კენკრისა და ხილის ძლიერი არომატებით (წითელი ქლიავი, ჟოლო, კოწახური). სასიამოვნო მჟავიანობის გემრიელი, მსუბუქტანინიანი ღვინოა. ძალიან ბევრ კერძს მოიხდენს, სალათებით და ძეხვეულით დაწყებული, შემწვარი ხორცით დასრულებული.
© ღვინის კლუბი/vinoge.com