ყვარლის რაიონში, მდ. ზანგაურას ხეობაში გაშენებული საფერავიდანაა ღვინო დაყენებული. მოშინდისფრო ალუბლისფერი ღვინოა, ეფექტური პირველი სურნელებით, სადაც მაყვალი და შავი ხილი იგრძნობა კარგად. ელეგანტური, დახვეწილი საფერავია, მდიდარი არომატებით, კლასიკური, ყვარლური საფერავი. გემოში სასიამოვნო, ხავერდოვან ტანინებს იგრძნობთ და საკმაო მჟავიანობას. დაბოლოებაში შავი თუთის ტყლაპი და მცირედი ქლიავის ჩირის ტონებსაც იგრძნობთ.
© ღვინის კლუბი/vinoge.com