ვარდისფერი მუსკატიდან დაყენებული ეს ნახევრადმშრალი ღვინო უკვე რამდენიმე წელია იწარმოება ამ კომპანიის მიერ. ძალზე მკრთალი ვარდისფერია, პირველივე სურნელებში კარგად ნაცნობი მუსკატური არომატებით, სადაც სამურაბე ვარდი, ბაღის, ხილისა და სხვ. ყვავილები ერწყმის ერთმანეთს. მშვენიერი საზაფხულო ღვინოა, სიტკბოს და მჟავიანობის კარგი შერწყმით. მაღალალკოჰოლიანი ღვინოა (14%), საუკეთესო მისაყოლებელი იქნება დესერტებთან, ასევე კარგი იქნება აპერიტივზე და დიჯესტივზე.
© ღვინის კლუბი/vinoge.com