ეს ღვინო დავარგებული ბუნებრივად ტკბილი ღვინოების მოყვარულებს მოეწონებათ. ტიბაანის ვენახებში მოყვანილი საფერავიდან დაყენებული ნახევრადტკბილი საფერავია. 3–4 წლის წინ ეს ღვინო ინტენსიური, მუქი შეფერვის იყო, ახლა კი დასხმისთანავე შეატყობთ სიძველის კვალს, კლამიტისფერ–ძოწისფერს და რაც მთავარია, ღვინო ძალზე გამჭვირვალე და ელვარე ფერის გახდა. სურნელებში პირველ რიგში კომშის მურაბას და კოწახურის ჩირს გამოვარჩევდი. ვისაც ეს ღვინო შემოგრჩათ მარანში, სწორედ ახლა უნდა დალიოთ. ახლაა მისი დრო.
© ღვინის კლუბი/vinoge.com