ეს ახალი მარანი შარშან გამოვიდა ასპარეზზე და ჩვენ უკვე ვწერდით დანიელის რამდენიმე ღვინის შესახებ. მორიგი ვინტაჟის რქაწითელია, ჩალისფერი, სასიამოვნო მჟავიანობითა და სიხალასით. თავდაპირველ სურნელში ნედლი თხილისა და მუხის მცირედ კვალს ამოიცნობთ, რომელიც თეთრი ბლის და სხვა მოტკბო არომატებად ყალიბდება. მკაცრი, თუმცა ძალზე საინტერესო და დახვეწილი, კარგი პოტენციალის მქონე ღვინოა, საკმაოდ ხანრძლივი და რბილი დაბოლოებით.
© ღვინის კლუბი/vinoge.com