ახალ ყველს დილით რომ ჩააყველებთ, საღამოზე დასთლით თხლად, წყალს ან რძეს აადუღებთ და შიგ ჩაჰყრით; როდესაც წამოდუღდეს, მაშინვე გადმოიღეთ, ბადიანზე დაასხით, ყველი ხელით მოაგროვეთ, გადაჰკეცეთ და გადმოჰკეცეთ, კარგად რომ დაიზილოს, მოაყარეთ მარილი და შეინახეთ. როცა გაშრება, თუ გნებამთ ზამთრისთვის მაღლა ჩამოჰკიდებთ. რამდენჯერაც ყველი ჩაადედოთ, იმისი შრატიდამ ნახევარ-ნახევარი სტაქანი რაშიაც ნაწი ან დვრიტაა, იმ ჭურჭელს დაასხამთ, რომ არ გამოილიოს სადედი. ერთი თვის შემდეგ კი ხელახლად უნდა, ისევ ისე როგორც ზემოთ პირველად ავწერეთ.
ბარბარე ჯორჯაძე
