მარანი საწნახელი იმ მცირე გამონაკლისებს მიეკუთვნება, რომელთაც ხიხვის საკუთარი ვენახები აქვთ. ვენახი სანიორეშია გაშენებული, ალაზნის მარცხნება ნაპირზე, მთისწინებში. ძალზე სასიამოვნო გარეგნობის ქარვისფერი ღვინოა, რომლის სურნელშიც ნიგვზიანი ნამცხვრის, ვაშლის და გარგრის ჩირების და მცენარეულ ტონებს ამოიცნობთ. გემოზე ეს არომატები კიდევ უფრო ზუსტდება. მსუსხავი, სასიამოვნო ტანინები აქვს ღვინოს, ხასიათდება ზომიერი მჟავიანობითა და ალკოჰოლით (13,5%), ხანგრძლივი დაბოლოება აქვს. ღვინო ნამდვილად საინტერესო იქნება შედარებით იშვიათი ჯიშების და ახალი გემოების მაძიებელთათვის.
© ღვინის კლუბი/vinoge.com