შუმის ეს ექსკლუზიური შემაგრებული სასმელი საკმაოდ პოპულარული გახდა ბოლო წლების მანძილზე მომხმარებელს შორის. ამ სასმელში თავმოყრილია ათეულობით იშვიათი ქართული ვაზის ჯიშიდან დაწურული ღვინო, რომელიც შუმის საკოლექციო ნაკვეთშია დაკრეფილი, ასევე საუკეთესო საბრენდე სპირტები, ალპური და სუბალპური ზონის მცენარეული დანამატები. სასმელი მუხის კასრებშია დავარგებული. საბოლოოდ კი ელვარე ბროწეულისფერი მაღალალკოჰოლური (19%) სადესერტო სასმელი დადგა, რომელიც ლეღვის მურაბის, ხურმის ჩირის, შავი ქიშმიშისა და სხვა ტკბილი არომატებით ხასიათდება. ხანგრძლივი დაბოლოების ძალზე ეფექტური შემაგრებული ღვინოა.
© ღვინის კლუბი/vinoge.com