ყვარელში მოწეული ქისიდან დაყენებული ღვინოა, კახური, ტრადიციული წესით, ქვევრში. სასიამოვნო გარეგნობისაა, ელვარე ქარვისფერი. ვაშლისა და ჭერმის ჩირის შემდეგ ხმელი მცენარეების და ქართული სუნელების ჯერი დგება. გემოზე გაწონასწორებულია, ხავერდოვანი ტანინებითა და მჟავიანობით, რომელიც კიდევ უფრო საინტერესოს ხდის ღვინის დაგემოვნებას. ჩამოყალიბებული, დამდგარი ღვინოა, რომელიც კარგად მოიხდენს შემწვარ ფრინველსაც და მოხარშულ საქონლის ხორციდან დამზადებულ კერძებსაც.
© ღვინის კლუბი/vinoge.com