ეს ადგილწარმოშობის დასახელების მშრალი წითელი ღვინო ე.წ. „დიდყურის“ ზვრებშია მოწეული. ახალგაზრდა ღვინოა, ცინცხალი გარეგნობით. საშუალო ინტენსივობის შინდისფერია. სასიამოვნო, ძლიერი პირველი არომატები აქვს, სადაც შავი კენკრა (მაგ. მოცვი) საფერავის მოყვარულებისთვის კარგად ნაცნობ შავ ხილს (ალუბალს და შავ ბალს) გადასწონის. ეს კენკრა დაგემოვნებისას კიდევ უფრო კარგად იგრძნობა. მაღალმჟავიანი, ცოცხალი, ტანინიანი ღვინოა საკმაოდ ხანგრძლივი დაბოლოებით და დავარგების კარგი პოტენციალით.
© ღვინის კლუბი/vinoge.com