ხარებას ახალი მოსავლის ვარდისფერი ღვინოც გამოჩნდა ბაზარზე, რომელსაც ამ კომპანიაში სამი ჯიშიდან აყენებენ – კახური საფერავიდან და იმერული ოცხანური საფერედან და ალადასტურიდან. ელვარე ლალისფერი ღვინოა, პირველივე სურნელებში მოტკბო, რბილი არომატები იგრძნობა – მოხარშული კრემი, მარწყვი, კოწახურის ინტენსიური სურნელები. გემოზე გამჭოლი, მაღალმჟავიანი ღვინოა, საკმაოდ ძლიერი (13%). სასიამოვნო, მსუსხავი დაბოლოებით. ღვინო აუცილებლად კარგად ჩაციებული დალიეთ. მიაყოლეთ პაშტეტებს, მსუბუქ ძეხვებს, ხორციან და ორაგულიან სალათებს.
© ღვინის კლუბი/vinoge.com