მანავში მოწეული მწვანე კახურის ჯიშის ყურძნიდანაა ეს ღვინო დაყენებული ტრადიციული წესით, ქვევრში. საკმაოდ ინტენსიური შეფერილობისაა, ქარვისფერ–უნაბისფერი და პირველივე სურნელებში ადვილად ამოიცნობთ ქვევრში დაყენებული მწვანესთვის დამახასიათებელ არომატებს – ბერგამოტის ჩაი, ხმელი ფოთლები, ქართული სუნელები და სხვ. მაღალალკოჰოლიანი (14%), მძლავრი ღვინოა, საკმაოდ ძლიერი ტანინებით. დაბოლოებაში ტკბილი სუნელებიც იგრძნობა.
© ღვინის კლუბი/vinoge.com