სანამდის გაიშლება ღანძილი, მანამ უნდა მოიტანოთ და ძირები შემოაცალოთ, გარეცხოთ, წყალი აადუღოთ და შიგ ჩაყაროთ. როდესაც ორჯერ წამოდუღდეს, თუშფალანგაში გადმოსწუროთ და ცივი წყალი გადაავლოთ, შემდეგ კიდევ ქვაბში ცივი წყალი ჩაასხათ და შიგ ჩაყაროთ; სამ საათს მერმე ამოწუროთ მუჭაში ისე, რომ წყალი აღარ შეჰყვეს და ჯამფილაში ანუ ბადიაში ჩაყაროთ. მოაყარეთ მარილი, დაასხით ძმარი და როდესაც გენებებათ მიირთვისთ, თუ გსურთ, ცოტა ზეთიც უყავით.