სასიამოვნო პირველი სურნელებით ხასიათდება ეს წინანდალი, ნაცნობი, კლასიკური ღვინოა, მომწვანო-ჩალისფერი. სურნელში თავიდანვე იგრძნობთ მწვანე მსხლის ეფექტურ არომატებს, რომელიც კიდევ უფრო აშკარა ხდება დაგემოვნებისას. დაგემოვნებისას ჩნდება ციტრუსებისა და კურკიანი ხილის ტონებიც (მაგ. ატამი). ახალი, ხალისიანი წინანდალია, საინტერესო დაბოლოებით და მაღალი მჟავიანობით. ღვინო კარგი მისაყოლებელი იქნება თევზთან და მსუბუქ სალათებთან.
© მალხაზ ხარბედია, ქართული ღვინის გზამკვლევი 2014