ყვარლის რაიონის სოფელ ჭიკაანში დაკრეფილი ქისიდანაა ღვინო დაყენებული, კლასიკური წესით, უდედოდ. მოოქროსფრო-ჩალისფერი ღვინოა, პირველივე სურნელებში მოტკბო არომატები იკითხება – დაშაქრული თხილი, ტროპიკული ხილი (ანანასი), მცირეოდენი ნიგვზის ტონები. დაგემოვნებისას ციტრუსის ტონებსაც იგრძნობთ (ფორთოხლის ცედრა). გემოზე სავსეა, ინტენსიური და მრავალფეროვანი. ხასიათდება საკმაოდ ხანგრძლივი დაბოლოებით. კარგი გასტრონომიული ღვინოა, ბევრ კერძს მოიხდენს, სალათებით დაწყებული თევზით და ფრინველის ან ღორის თეთრი ხორცით დამთავრებული.
© ღვინის კლუბი /Weekend