ახლახან ლონდონში შამპანურის კვირეული ჩატარდა. ამასთან დაკავშირებით ბარ Searcys St Pancras Grand-ში მსოფლიოში ყველაზე დიდი ზომის შამპანურის ბოთლი გამოიტანეს. 120 სმ-ის სიმაღლის ბოთლი, რომელშიც 30 ლიტრი სასმელი (შამპანურის 40 ჩვეულებრივი ბოთლი) ეტევა, საფრანგეთში შეუკვეთეს. იქიდან კი ბოთლი გიგანტური ზომის ჭიქებთან და საგანგებო სადგამთან ერთად ჩაიტანეს ლონდონში. იმის გამო, რომ ამ ბოთლის დამზადება და ტრანსპორტირება საკმაოდ ძვირი დაჯდა, ხოლო ბოთლიდან სასმელის ჩამოსხმა რთული ამოცანაა, შამპანური საკმაოდ ძვირი ეღირება. ბარის მფლობელები ჯერ არ აკონკრეტებენ, თუ როდის გაიხსნება ეს გიგანტური ბოთლი და რა ეღირება ერთი ჭიქა შამპანური.
© ღვინის კლუბი /Weekend