გურჯაანის რაიონში, ფაფრის მინდვრებზე დაკრეფილი საფერავიდანაა ღვინო დაყენებული. ფერში თითქმის გაუმჭვირვალეა, მუქი ჟოლოსფერია. პირველ სურნელებში ცხადად იგრძნობთ მუხიდან წამოსულ არომატებს, შავი ქლიავის ჩირისა და შავი პილპილის ტონებს. ღვინო მძლავრი ტანინებით ხასიათდება, ძალზე სხეულიანია და პირველ რიგში სისავსით იქცევს ყურადღებას. ხანგრძლივი დაბოლოებით ხასიათდება, სადაც კენკრის ტონებს მუხის ძლიერი კვალი ერწყმის. მიირთვით მაყალზე და გრილზე მომზადებულ ხორცეულთან.
© vinoge.com