საჭირო მასალა: 4 ცალი კვერცხი, 150 გ მაიონეზი, 50 გ არაჟანი, 1 ს.კ. ლიმონის წვენი, 100 გ კიტრი, 1 ცალი ავოკადო, 200 გ მწვანე ხახვი, 6 ღერი ქინძი, 12 თხელი ნაჭერი პური, მარილი, პილპილი – გემოვნებით.
მომზადება: კვერცხი მაგრად მოვხარშოთ, გადავავლოთ ცივი წყალი და გავფცქვნათ. მაიონეზი, ლიმონის წვენი და არაჟანი ავურიოთ. კიტრი სიგრძეზე გავჭრათ და კოვზით ამოვაცალოთ თესლი. შემდეგ წვრილად დავჭრათ.
ავოკადო გავჭრათ, ამოვაცალოთ კურკა, კოვზით ამოვუღოთ რბილობი ან გავფცქვნათ და 0,5 სმ ზომის ნაჭრებად დავჭრათ. მწვანე ხახვი წვრილად დავკეპოთ. ასევე წვრილად დავჭრათ კვერცხი. ყველა ინგრედიენტი ავურიოთ, შევანელოთ მარილითა და პილპილით.
მომზადებული მასა 6 ნაჭერ პურზე გადავანაწილოთ, ზემოდან დანარჩენი ნაჭრები დავაფაროთ და თითოეული დიაგონალურად გავჭრათ. მოვრთოთ ქინძის ფოთლებით.
© ღვინის კლუბი /Weekend