26.00 ლარი
ეს ღვინო ამ კომპანიის მორიგი მოსავლის ხიხვია რამდენიმეწლიანი პაუზის შემდეგ. კლასიკური წესითაა დაყენებული, ჩალისფერია, ლიმნისფერი ტონებით და კარგად ნაცნობი პირველი სურნელებით, სადაც მცენარეული არომატები დომინირებს – მაგ. ბზა, წიწვოვანები... გარდა ამისა, ღვინოში აღმოაჩენთ ატმის მურაბისა და თეთრი ქლიავის ტონებსაც. მაღალჟავიანი, ახალი, ხალისიანი ღვინოა საინტერესო დაბოლოებით.
2015 წლის ივნისის დახასიათება
წლების მანძილზე ამ კომპანიის ხიხვის სტილი მკვეთრად ჩამოყალიბდა და ღვინის მოყვარულები უკვე ადვილად ცნობენ კლასიკურად დაყენებულ ამ ღვინოს, რომელიც ყვარლის რაიონში დაკრეფილი ხიხვიდანაა დაყენებული. ეს ღვინო შარშანაც გავსინჯე და წელს უკვე დაძველების კვალიც ეტყობა. ფერზე შეიძლება ითქვას, რომ მოლიმნისფერო–ოქროსფერია. პირველივე სურნელში კარგად ნაცნობი არომატები მოდის – ბზა და სხვა მწვანე, მცენარეული ტონებ, მათ შორის, მწვანე ჩაი. გემოზე რბილია, სასიამოვნო მჟავიანობით და ხანგრძლივი დაბოლოებით.
© ღვინის კლუბი /Weekend