სომელიეს მოვალეობაა რესტორანში შესულ სტუმარს სასურველი კერძისათვის შესაფერისი ღვინო შეარჩევინოს. მარტინ რიზმა კი, რომელიც ლოს-ანჯელესში მდებარე რესტორან Ray's and Stark-ის მენეჯერია, გერმანიაში 3000 დოლარად ღირებული ერთკვირიანი კურსი გაიარა და წყლის სომელიეს სერთიფიკატი მიიღო. ამის შემდეგ მისტერ რიზმა ელიტური სასმელი წყლის ჩამოსხმა დაიყო, რომლის ერთი ბოთლიც 12 დოლარი ღირს. წყალს სომელიემ Beverly Hills 90H2O დაარქვა. სასმელი სიერა-ნევადის მთებიდან ჩამოაქვთ და საგანგებო ტექნოლოგიის მეშვეობით მინერალებით ამდიდრებენ. “ყოველ წყალს განსაკუთრებული, დამახასიათებელი გემო აქვს, – განმარტავს მარტინ რიზი. – ბევრ ამერიკელს ჰგონია, რომ ყველა წყალი ერთნაირია. თუმცა, ცხადია, მე მათ არ ვეთანხმები. თითოეული წყალი განსაკუთრებული გემოთი გამოირჩევა.” Beverly Hills 90H2O -ს კი თავად მწარმებელი ახასიათებს როგორც უნიკალურ სასმელს, რომელიც დახვეწილ კერძებზე მისაყოლებლად და განსაკუთრებული შეხვედრებისათვის არის განკუთვნილი.
© ღვინის კლუბი /Weekend