მილიონ დოლარად შეფასებული ალკოტური

ბრიტანული კომპანია Holidaysplease მზად არის ელიტური ღვინოების მოყვარულებს უმასპინძლოს. სულ რაღაც 1, 300 000 დოლარად ორი ადამიანი 40 დღის განმავლობაში 5-ვარსკვლავიან სასტუმროში იცხოვრებს და ყველაზე ძვირფას სასმელებს დააგემოვნებს. ტურის მენიუში შედის 168 ათას დოლარად შეფასებული უნიკალური ვისკი Dalmore Trinitas 64-წლიანი დაძველებით, შამპანური Armand de Brignac 'Dynastie (556 ათასი დოლარი), მსოფლიოში ყველაზე ძვირადღირებული რომი Legacy by Angostura (13,500 დოლარი), ერთ-ერთი ყველაზე ძვირფასი ლუდი Vieille Bon Secours (2400 დოლარი) და სხვა იშვიათი სასმელები. დეგუსტაციის გარდა ტური იმითაც გამოირჩევა, რომ ტურისტებს ვერტმფრენით გადააფრენენ  Grey Goose-ისა და Dalmore-ის ქარხნებში. გამგზავრების დრო და მარშრუტის სხვა დეტალები კი თავად დამკვეთის გემოვნებით დგინდება.

© ღვინის კლუბი /Weekend