საჭირო მასალა: 600 გ მოხარშული კარტოფილი, 250 გ კამა ბოლქვიანად, 150 გ ნიახურის ღერები, 100 გ ხახვი, 1 ცალი ფორთოხალი, 100 მლ მშრალი ვერმუტი, 8 ს.კ. ზეითუნის ზეთი, 1 ს.კ. ვარდისფერი პილპილი, 1 ცალი ლაიმი, 2 ტოტი როზმარინი, 2 ცალი თევზი დორადა (თითო 450 გ), 120 გ პამიდორი ჩერი ყუნწებიანად, ზღვის მარილი - გემოვნებით.
მომზადება: კარტოფილი 0,5 სმ სისქის მრგვალ ნაჭრებად დავჭრათ. ნიახური და კამის ბოლქვი საშუალო ზომაზე დავჭრათ, კამის ფოთლები გადავინახოთ. ხახვი წვრილად ავკეპოთ. ფორთოხალს მოვაცალოთ ცედრა და გავწუროთ. ფორთოხლის წვენი, ცედრა, ვერმუტი და ზეითუნის ზეთი ერთად ავურიოთ. დავუმატოთ დაჭრილი ბოსტნეული და მარილი. ბოსტნეული გადავიტანოთ თუნუქის ფურცელზე და 220 გრადუსზე გახურებულ ღუმელში 10 წუთით შევდგათ.
ლაიმი თხლად დავჭრათ. როზმარინი დავკეპოთ, თევზებს მუცელში ჩავუწყოთ ლაიმის ნაჭრები და როზმარინი, მოვაყაროთ მარილი, მოვათავსოთ ბოსტნეულთან ერთად და 15-20 წუთით ისევ შევაბრუნოთ ღუმელში. მომზადებამდე 5 წუთით ადრე დავუმატოთ პამიდორი ჩერი. მზა კერძს მოვაყაროთ დაჭრილი კამა და ზღვის მარილი.
© ღვინის კლუბი /Weekend