დიდი ხანია, კრეატიული მელუდეები ორიგინალური და უნიკალური ლუდის მოხარშვის გზებს ეძებენ - ხან შოკოლადისაგან მოხარშეს ლუდი, ხან შავი ნივრისაგან და ა.შ. კანადური ლუდსახარშის - Prairie Sun-ის მელუდეებმაც გადაწყვიტეს სხვებს არ ჩამორჩენოდნენ და ახალი “ორგანული” ლუდი Meewasin 80 მოხარშეს. Meewasin 80-ის მთავარი ინგრედიენტები ადგილობრივი ფიჭვისა და ნაძვის ტოტებია, რომლებიც, მწარმოებელთა თქმით, სასმელს განსაკუთრებულ გემოსა და სურნელს მატებს. ასეთი უჩვეულო დანამატის წყალობით ლუდს ბალახისა და მერქნის არომატი გასდევს და საოცრად მსუბუქი დასალევია. ლუდი კანადაში უკვე იყიდება. გაყიდვებიდან შემოსული თანხა კი საქველმოქმედო ფონდს გადაეცემა, რომელიც გარემოს დაცვის პროექტებს აფინანსებს.
© ღვინის კლუბი /Weekend