გურჯაანში საგანგებო რეჟიმში განაგრძობს მუშაობას “რთველი 2008”-ის საკოორდინაციო შტაბი. შტაბის ერთ-ერთი წევრის კოტე ხუცაიძის განცხადებით, ძირითად პრობლემად ყურძნის მიმღებ ქარხნებთან ისევ რიგები რჩება.
"მთელი დღის განმავლობაში ცხელ ხაზზე სატელეფონო ზარები არ წყდება. ჩვენ ზუსტ ინფორმაციას ვაწვდით მოსახლეობას, რომელ ქარხანაში რა მდგომარეობაა და სად შეუძლიათ ყურძნის ჩაბარება. ამ დროის მონაცემებით, საერთო ჯამში მიღებულია 784 600 ტონა ყურძენი. რაც შეეხება რიგებს, ვცდილობთ ეს პროცესი დავარეგულიროთ, რადგან ძირითადად რთველის მიმდინარეობას ეს პროცესი აფერხებს" - განუცხადა რადიო ჰერეთს კოტე ხუცაიძემ.
როგორც ცნობილია: გურჯაანში 9 სექტემბრიდან მოქმედებს “რთველი 2008”-ის შტაბი, რომელსაც სოფლის მეურნეობის მინისტრი ბაკურ კვეზერელი ხელმძღვანელობს.
რადიო "ჰერეთი"