საჭირო მასალა: 500 გ სტაფილო, 6 ს.კ. ზეითუნის ზეთი, 5 ს.კ. ფორთოხლის წვენი, 3 ს.კ. თაფლი, მწიკვი მარილი, მწიკვი პილპილი, 5 ს.კ. ლიმონის წვენი, 120 გ სალათის ფოთლები, 1 ს.კ. დაღერღილი წიწაკა.
მომზადება: სტაფილო გავთალოთ და სიგრძეზე გავჭრათ. თითოეული ნაწილი მსხვილ ღერებად დავჭრათ. ტაფაზე გავაცხელოთ ზეთი, დავუმატოთ სტაფილო და 2 წუთი ვშუშოთ. 2 ს.კ. ლიმონის წვენი, ფორთოხლის წვენი, 1 ს.კ. თაფლი და მარილი ავურიოთ, დავასხათ სტაფილოს და 5-7 წუთის განმავლობაში ვადუღოთ დაბალ ცეცხლზე. 3 ს.კ. ლიმონის წვენი, 2 ს.კ. წყალი, მარილი, პილპილი, 4 ს.კ. ზეთი და 1-2 ს.კ. თაფლი ავურიოთ. სტაფილოს მოვაყაროთ დაღერღილი წიწაკა და მარილი, შევურიოთ სალათის ფოთლები და მოვასხათ მომზადებული დრესინგი.
© ღვინის კლუბი /Weekend