სახელოვან რიოხას რეგიონში დაყენებული ღვინოა, თეთრი, ვიურას ჯიშის ყურძნიდან დაყენებული. ლიმნისფერია, ოქროსფერი სხივებით. პირველივე სურნელებში ძალიან ძლიერ მუხის ტონებს იგრძნობთ, კარამელურიც კი ეთქმის, სადაც ირისის და კვამლის არომატებიც მოდის. მუხაში დავარგებული თეთრი ღვინოების მოყვარულებს მოეწონებათ – გემოში დაშაქრული ნიგოზიც იგრძნობა. საკმაოდ მაღალმჟავიანი, ხანგრძლივი დაბოლოების ღვინოა, სადაც მოხალული გოგრის თესლისა და სხვა ეკზოტიკური გემოები რჩება (მაგ. ტროპიკული ხილი).
© ღვინის კლუბი/vinoge.com