ავსტრალიური რისლინგია, კლერ ველის (Clare Valley) რეგიონში მოყვანილი ყურძნიდან დაწურული. ეს რეგიონი ერთ–ერთი უძველესია ავსტრალიურ მეღვინეობაში და ზოგიერთი ჯიშებისთვის ძალიან წარმატებული. ერთ–ერთი ასეთი ჯიშია რისლინგი, რომელიც ამ გრილ რეგიონში შესანიშნავ შედეგს იძლევა. ხალისიანი ახალგაზრდა ღვინოა, ჩალისფერი, პირველივე სურნელში ძალიან ცხადად იგრძნობა მინერალული ტონები (დავარგებული რისლინგისთვის დამახასიათებელი ბენზინის სურნელები, რომელიც, ღვინის სიახლის მიუხედავად, მაინც წინა პლანზე გამოდის), თუმცა ძირითადი რა თქმა უნდა ციტრუსები და ხილის ტონებია ამ ღვინოში. საკმაოდ ხანგრძლივი დაბოლოებით ხასიათდება და მაღალი მჟავიანობით.
© ღვინის კლუბი/vinoge.com