იმერეთში, ვანის რაიონის სოფელ გორაში დაკრეფილი ცოლიკოურიდანაა ეს ღვინო დაყენებული ტრადიციული წესით ქვევრში, უჭაჭოდ. მკრთალი ოქროსფერია, ღვინოში პირველ რიგში თეთრი ქლიავის ტონებს იგრძნობთ, გასინჯვისას კი ცხადად ჩნდება ყვითელი ტყემლისა და თაფლის ნამცხვრის სურნელები. სავსე ღვინოა, თუმცა საკმაოდ მაღალმჟავიანიც, ცოცხალი და ახალგაზრდა. მიაყოლეთ კლასიკურ იმერულ კერძებს.
© ღვინის კლუბი/Weekend