მასალა: 600 გ ღორის რბილი ხორცი, 125 მლ ბოსტნეულის ბულიონი, 100 გ მიწის თხილი, 3 ცალი სტაფილო, 1 ღერი პრასი, 3 ცალი სხვადასხვა ფერის ტკბილი წიწაკა, 6 ს.კ. ზეთი, 3 ს.კ. სოიის სოუსი, 1 ს.კ. კარის ფხვნილი, 1 ს.კ. შაქარი, მარილი, შავი პილპილი.
მომზადება: ხორცი პატარა, მოგრძო ნაჭრებად დავჭრათ, დავასხათ სოიის სოუსი, დავაყაროთ კარის ფხვნილი და 30 წუთი გავაჩეროთ. მიწის თხილი დავფქვათ. სტაფილო მსხვილ ღერებად დავჭრათ. ამავე ფორმით დავჭრათ წიწაკები. რგოლებად დავჭრათ პრასი. ღრმა ტაფაში ან ვოკში გავაცხელოთ ზეთი და მაღალ ცეცხლზე შევბრაწოთ ხორცი. ხორცი ამოვიღოთ, ტაფაში ბოსტნეული მოვათავსოთ, დავაყაროთ შაქარი, ცოტა კარის ფხვნილი, მარილი და მოვშუშოთ. დავასხათ ბოსტნეულის ბულიონი და დავუმატოთ შემწვარი ხორცი. დავაყაროთ მიწის თხილი და როდესაც წამოდუღდება, ცეცხლიდან გადმოვდგათ.
© ღვინის კლუბი/Weekend