ამჯერად ვარდისფრად დაყენებულ ქვევრის ჩხავერს გაგაცნობთ, რომელიც ჩოხატაურის რაიონის სოფლებში, დაბლაციხეში, საყვავისტყეში, საჭამიასერში და სხვ. გვიან შემოდგომაზე, ნოემბერში დაკრეფილი ყურძნიდანაა დაყენებული. შესანიშნავი გარეგნობის ღვინოა, მკრთალი ძოწისფერი. მკვეთრად გამოხატული ბროწეულის ტონებით ხასიათდება, დაგემოვნებისას კი დაბრაწული შავი ქლიავის ჩირისა და კოწახურის ნიუანსები ჩნდება. მაღალმჟავიანი, მსუბუქი, ძალზე ხანგრძლივი დაბოლოების ღვინოა. კარგი მისაყოლებელია გრილზე შემწვარ ბოსტნეულთან, შემწვარ თევზთან, მოხარშულ ხბოს ხორცთან.
© ღვინის კლუბი/Weekend