ამ ღვინისთვის ანაგის წარაფებშია დაკრეფილი ყურძენი. კახური, ტრადიციული წესითაა დაყენებული, ქვევრში. ძალიან ცოცხალი, ხალისიანი ჟოლოსფერია. სურნელში პირველ რიგში მწიფე ალუბალი ჩანს, რომელსაც შინდის მურაბა და ნარშარაბის ტონები აგვირგვინებს. საკმაოდ მაღალმჟავიანი, ტანინებით მდიდარი, გახსნილი, გულღია ღვინოა. საუკეთესო მისაყოლებელი იქნება ღორის მწვადთან, ცხვრის ჩახრაკულთან.
© ღვინის კლუბი/Weekend