საჭირო მასალა: 1 ცალი პატარა მწიფე მანგო (250 გ), 1 ცალი ლაიმი ან ლიმონი, 1 ცალი პატარა ცუკინი (150 გ), 4 ცალი პამიდორი ჩერი, 200 გ ვირთევზას ფილე, 0,5 ს.კ. კარაქი, 1 ს.კ. ვარდისფერი პილპილის მარცვლები, 100 მლ იოგურტი ან მაწონი, მარილი, წიწაკა – გემოვნებით.
მომზადება: მანგო გავფცქვნათ, კურკა ამოვაცალოთ და საშუალო ზომის კუბებად დავჭრათ. ამავე ზომაზე დავჭრათ ცუკინიც. ლაიმი გავჭრათ და გავწუროთ. თევზი საშუალოზე დიდ ნაჭრებად დავჭრათ. ტაფაზე გავადნოთ კარაქი, დავასხათ 2 ს.კ. ლაიმის წვენი, დავაყაროთ წიწაკა, მარილი და გადმოვდგათ ცეცხლიდან. დავასხათ თევზის, ბოსტნეულისა და მანგოს ნაჭრებს, შემდეგ წამოვაცვათ შამფურებზე და 7-8 წუთის განმავლობასი გრილზე შევწვათ. სანამ თევზი შეიწვება, მოვამზადოთ სოუსი – იოგურტში ავურიოთ მსხვილად დაფქული ვარდისფერი წიწაკა, ცოტა მარილი და ლიმონის წვენი. თევზი სოუსთან ერთად მივირთვათ.
© ღვინის კლუბი/Weekend