ესპანელი მიგელ ტორესი მსოფლიო მასშტაბის ვარსკვლავია მეღვინეობაში. ეს მისი ერთ–ერთი ჩილეური ღვინოა, რომელიც კურიკოს რეგიონში მოყვანილი კაბერნე სოვინიონიდანაა დაყენებული. ღრმა შეფერილობის ალუბლისფერი ღვინოა, დაძველების ნიშნებით გარეგნობაში. ძალიან ინტენსიური პირველი სურნელები აქვს, სადაც მუხა და ქლიავის ჩირი დომინირებს. მჟავიანობის, ტანინებისა და მაღალი ალკოჰოლის ბალანსი დაგემოვნებისას უფრო ცხადად ჩნდება, სადაც შავი პილპილიც გამოდის წინა პლანზე. ძალზე სხეულიანი და ძლიერი ღვინოა, ხანგრძლივი დაბოლოებით.
© ღვინის კლუბი/vinoge.com