2012 წელს ამერიკის შეერთებულ შტატებში რეკორდული რაოდენობის ღვინო გაიყიდა. ამის მიზეზი კი ის გახდა, რომ ბაზარზე დიდი რაოდენობით გაიტანეს მუსკატის ჯიშის ყურძნისაგან დაწურული ღვინო. “მუსკატისადმი ვნება” არ ნელდება – კალიფორნიის ღვინის ინსტიტუტის მონაცემებით, გასულ წელს ამ ღვინის გაყიდვები, მხოლოდ off-trade-ის სეგმენტში, თითქმის 30%-ით გაიზარდა. დღესდღეობით მუსკატის ღვინოს ბაზრის 6% უკავია – მან უკვე გადაფარა სოვინიონ ბლანის (Sauvignon blanc) ნაწარმი და სულ ცოტა ხანში პინო გრიჯიოსაც (Pinot grigio) წამოეწევა. ბაზარზე ძირითადად მოთხოვნა დაბალალკოჰოლურ ღვინოებსა და ფრიზანტეზე დაფიქსირდა. “მუსკატომანიამ” გამოიწვია გაყიდვების 2%-ით ზრდა, რამაც თანხობრივად 5%-იანი ზრდა შეადგინა. ასე რომ, ამერიკის შეერთებულ შტატებში 360,1 მილიონი ყუთი ღვინო გაიყიდა, რომლის ღირებულებამაც 34,6 მილიარდი დოლარი შეადგინა.
© ღვინის კლუბი/Weekend
