საჭირო მასალა: 500 გ კანიანად მოხარშული წითელი ჭარხალი, 200 გ კარტოფილი, 1 თავი ხახვი, 400 მლ ბოსტნეულის ბულიონი, 400 მლ ქოქოსის რძე, 1 ცალი ლაიმი, ხმელი ქინძი, მარილი, წიწაკა და დაფქული ჯანჯაფილი – გემოვნებით, 1-2 ს.კ. კარაქი.
მომზადება: კარტოფილი გავფცქვნათ და დავჭრათ. ხახვი დავჭრათ და კარაქში მოვშუშოთ, დავუმატოთ კარტოფილი, დავასხათ ბულიონი და ვხარშოთ, სანამ კარტოფილი არ მოიხარშება. პარალელურად დავამუშავოთ ჭარხალი - გავაცალოთ კანი და წვრილად დავჭრათ. რამდენიმე ნაჭერი შევინახოთ სერვირებისთვის, დანარჩენი კი დავუმატოთ კარტოფილს, დავასხათ ქოქოსის რძე და წამოვადუღოთ. წვნიანში ჩავამატოთ ლაიმის ცედრა და წვენი. წვნიანი ბლენდერით ავთქვიფოთ და დავუმატოთ სანელებლები.
© ღვინის კლუბი/Weekend