საჭირო მასალა: 1 კგ კარტოფილი, 300 გ პამიდორი, 1 კონა მწვანე ხახვი, 4 ს.კ. ძმარი, 1 ს.კ. თაფლი, 5 ს.კ. მზესუმზირის ზეთი, 1 კონა ოხრახუში, 6 კვერცხი, 4 ს.კ. ფქვილი, 1 ს.კ. მდოგვი, მარილი, პილპილი – გემოვნებით.
მომზადება: კარტოფილი გავრეცხოთ, ჩავყაროთ მდუღარე წყალში და 20 წუთის განმავლობაში ვხარშოთ. პამიდორს გავაცალოთ კანი და დავჭრათ. დავამატოთ დაჭრილი მწვანე ხახვი, მარილი, პილპილი, 2 ს.კ. ძმარი, 1 ს.კ. ზეთი და თაფლი. კარტოფილი გავფცქვნათ და დავჭყლიტოთ. დავუმატოთ 2 კვერცხი, ფქვილი, მდოგვი, წვრილად დაჭრილი ოხრახუში, მარილი და პილპილი. გავაკეთოთ 8 ცალი გუნდა და საშუალო ტემპერატურაზე გაცხელებულ ზეთში შევწვათ ორივე მხრიდან. 4 კვერცხი ცალ-ცალკე გავტეხოთ და პატარა ჯამებში მოვათავსოთ. ქვაბში ავადუღოთ 750 მლ წყალი, დავუმატოთ ძმარი და წამოვადუღოთ, დავუწიოთ ცეცხლს. მდუღარე წყალში ფრთხილად მოვათავსოთ კვერცხები ისე, რომ ერთმანეთს არ შეეხოს. ვხარშოთ 5 წუთის განმავლობაში, შემდეგ ქაფქირით ამოვიღოთ და თითოეული 2 ცალ კარტოფილის კატლეტს ზედ დავადოთ. თითოეულ ულუფას მოვუწყოთ ხახვისა და პამიდვრის სალსა.
© ღვინის კლუბი/Weekend
