უზბეკეთის პრეზიდენტის დადგენილების მიხედვით ქვეყანაში ახალი ვენახები გაშენდება – მათი საერთო ფართობი 127,1 ათასი ჰექტარიდან 133 ათას ჰექტრამდე გაიზრდება. 2014 წლისთვის ვენახების ფართობი 140,8 ათას ჰექტარს, 2016 წელს – 149, 7 ათას ჰექტარს, ხოლო 2020 წლისათვის ვენახების საერთო ფართობი 152 ათას ჰექტარს მიაღწევს. საბოლოოდ, 2012 წელთან შედარებით, ვენახების ფართობი 2015 წელს 17,8%-ით, ხოლო 2020 წელს – თითქმის 20%-ით გაიზრდება. სპეციალურად შემუშავებული პროგრამის მიხედვით, უზბეკეთში 2013-2015 წლებში 22,5 ათასი ინოვაციური ვენახი გაშენდება.
2012 წელს რესპუბლიკაში ღვინის 81 საწარმო იყო რეგისტრირებული, 2013 წელს კი მათი რიცხვი 83-მდე გაიზრდება და ახალი საწარმოები ყოველწლიურად 196 ათას ტონა ღვინოს ჩამოასხამენ. ექსპერტები ვარაუდობენ, რომ უზბეკეთში ღვინის წარმოება 2015 წლისათვის 13,6 %-ით მოიმატებს, 2020 წლისათვის კი ეს მაჩვენებელი 32,1 %-ს შეადგენს.
© ღვინის კლუბი/Weekend