საჭირო მასალა: 1 ჭიქა გოგრის პიურე, 3 ს.კ. იოგურტი, მაწონი ან კეფირი, 2 კვერცხი, 115 გ გამდნარი კარაქი, 2 ჭიქა ფქვილი, 1.5 ჩ.კ. გამაფხვიერებელი, 1/4 ცხარე წითელი წიწაკა, 1/2 ჭიქა ყავისფერი შაქარი, 1/2 ჩ.კ. მარილი, 1 1/4 ჭიქა გახეხილი ყველი, 2 ს.კ. გარჩეული გოგრის თესლი, 10 მარცვალი შავი პილპილი.
მომზადება: გოგრის პიურეს დავუმატოთ გამდნარი კარაქი, კვერცხი, იოგურტი და გავთქვიფოთ. ცალკე ავურიოთ ფქვილი, გამაფხვიერებელი, მარილი, დაფქული 4 მარცვალი შავი და წითელი წიწაკები, ყველის რაოდენობის 3/4, ყავისფერი შაქარი. ორივე მასა შევურიოთ, ჩავასხათ ცხიმწასმულ მაფინების ფორმებში, ზემოდან მოვაყაროთ დარჩენილი ყველი, პილპილის მარცვლები და 20 წუთის განმავლობაში გამოვაცხოთ საშუალო ტემპერატურაზე. მზა მაფინები 15-20 წუთი გავაჩეროთ ფორმებში და შემდეგ ამოვიღოთ.
© ღვინის კლუბი/Weekend