Wines of South Africa (WoSA)-ს მონაცემებით, სამხრეთ აფრიკის რესპუბლიკამ 2012 წელს ექსპორტზე რეკორდული რაოდენობის – 417 მილიონი ლიტრი ღვინო გაგზავნა, რაც 2011 წელთან შედარებით 17%-ით მეტია. აქამდე რეკორდულად ითვლებოდა 2008 წლის ექსპორტი, მაგრამ შარშანდელმა მაჩვენებელმა მას ათი მილიონი ლიტრით გადააჭარბა. ექსპორტის მოცულობის ზრდა განაპირობა ღვინის მსოფლიო დეფიციტმა, აგრეთვე ძალზე ცუდმა მოსავალმა ევროპაში, აზიაში, ლათინურ ამერიკაში, ასტრალიასა და ახალ ზელანდიაში. SAWIS (South Africa Wine Industry & Information Systems)-ის ექსპერტთა ვარაუდით, სამხრეთ აფრიკაში ყურძნის წლევანდელი მოსავალი ერთ-ერთი საუკეთესო იქნება და 1,4 მილიონ ტონას შეადგენს.
© ღვინის კლუბი/Weekend