იტალიური ღვინის მწარმოებელი კონსორციუმი Chianti Classico Wine ჩინეთის ბაზარზე საკუთარი ღვინის გაყიდვების გაზრდას შავი მამლის გამოსახულებიანი ლოგოტიპის წყალობით გეგმავს. როგორც კომპანიის გაყიდვებისა და მარკეტინგის დირექტორმა – ტომასო ალესანდრიმ განაცხადა, ამგვარი მიდგომა იმითაა გამოწვეული, რომ ჩინეთში მამალი ოდითგანვე წარმატების სიმბოლოდ ითვლებოდა. მამალი, რომელიც ჰოროსკოპის 12 ნიშნიდან ერთ-ერთია, ჩინეთში პატიოსნებასთანაც ასოცირდება. კომპანია ASC Fine Wines Hong Kong -ის წარმომადგენელი კიტ ვონგი იტალიელთა ამ გადაწყვეტილებას წარმატების მომტანად მიიჩნევს და თვლის, რომ შავი მამლის ლოგოტიპი გაყიდვებზე დადებითად იმოქმედებს. აღსანიშნავია, რომ Chianti Classico Wine შავი მამლის ემბლემას 2005 წლიდან იყენებს. ახლა, როდესაც კომპანიას ჩინეთის ბაზრის წარმატებით დაპყრობის სურვილი აქვს, მარკეტოლოგები ეცდებიან შავი მამლის ფიგურა კიდევ უფრო შესამჩნევი გახდეს.
© ღვინის კლუბი/Weekend