ღორის ნეკნები ფორთოხლის მარინადში

 

საჭირო მასალა: 800 გ ღორის ნეკნები, 3 მსხვილი ფორთოხალი, 3 თავი ხახვი, დაფქული პილპილი, მარილი, ძირა, პაპრიკა გემოვნებით, ზეთი მოსაშუშად.

 

მომზადება: ნეკნები და ალყა-ალყა დაჭრილი ხახვი 10 წუთის განმავლობაში მოვშუშოთ ზეთში, ნელ ცეცხლზე. დავასხათ ფორთოხლის წვენი, მოვაყაროთ 1 ფორთოხლის ცედრა, მოვაყაროთ სანელებლები, ქვაბს დავახუროთ და ნელ ცეცხლზე ვშუშოთ დაახლოებით 50-60 წუთის განმავლობაში. თუ ფორთოხლის წვენი ამოშრა, პერიოდულად ცოტ-ცოტა წყალი ჩავუმატოთ. კერძი სუფრასთან მივიტანოთ ცხელი, ფორთოხლის ნაჭრებთან ერთად.